Iype Vallikadan- ഐപ്പ് വള്ളികാടൻ

കുട്ടിക്കളിയല്ല രാഷ്ട്രീയ പ്രവർത്തനമെന്ന് നമുക്കെല്ലാം അറിയാം അത്തരക്കാർക്ക് പ്രവർത്തിക്കാൻ രാഷ്ട്രീയപാർട്ടികളിൽ വിവിധ ഉപസംഘങ്ങളുണ്ട്.എന്താ ഇപ്പോൾ കഥ,ഞാനൊരു രാഷ്ട്രീയ പ്രവർത്തകനല്ല,ആ പണിയിൽ വിലസില്ലെന്ന് അറിഞ്ഞുകൊണ്ട് തന്നെയാണ് വിദ്യാർത്ഥി രാഷ്ട്രീയത്തിൽ തരക്കേടില്ലാത്ത പണിയെടുത്തതിന് ശേഷം മാധ്യമപ്രവർത്തകനാകാൻ ഇറങ്ങിപ്പുറപ്പെട്ടത്.പക്ഷേ ചിലതൊക്കെ കാണുന്പോൾ പറയാതിരിക്കാൻ കഴിയില്ല. കോൺഗ്രസ് പാർട്ടിയുടെ ജില്ലാ ആസ്ഥാനങ്ങളിൽ യുവതുർക്കികളെ നിയമിച്ചിരിക്കുകയാണ് സാക്ഷാൽ രാഹൂൽ ഗാന്ധിയുടെ ഹൈക്കമാന്റ്.കെ.കരുണാകരൻ,എ.കെ.ആന്റണി,ഉമ്മൻ ചാണ്ടി,രമേശ് ചെന്നിത്തല,വി.എം.സുധീരൻ എന്നീ പ്രതിഭകളെയൊക്കെ നേരിട്ട് കാണാനും ചിലതൊക്കെ കേൾക്കാനും കഴിഞ്ഞിട്ടുള്ള എളിയ മാധ്യമപ്രവർത്തകൻ എന്ന നിലയിൽ ഇപ്പോഴത്തെ പേരുകളൊക്കെ കേൾക്കുന്പോൾ നാളെ ഈ പാർട്ടിയുടെ അവസ്ഥയെക്കുറിച്ചാണ് ഞാൻ ആലോചിക്കുന്നത്. ഒരു വനിതാ സംഘടനയുടെ,അല്ലെങ്കിൽ മന്ത്രി വരെ നമുക്ക് സഹിക്കാൻ പറ്റുന്നയാളാണ് ബിന്ദു കൃഷ്ണ,അവരെയാണ് ജില്ലാ ആസ്ഥാനത്ത് നിയമിച്ചിരിക്കുന്നത്.നല്ലൊരു സമരം പോലും വിജയിപ്പിച്ച കഥയില്ലാത്ത ഇവർ നല്ല കഥയുള്ള കൊല്ലത്ത് ഏത് രീതിയിൽ അണിയറക്കാര...

അമ്മേ…. നെഞ്ച് പൊട്ടിയ വിധിയാണ് അമ്മേ ഞങ്ങളും കേട്ടത്.. കൊലക്കയർ തന്നെയാണ് ഞങ്ങളും ആശിച്ചത്… പരമോന്നത കോടതിയെ ചോദ്യം ചെയ്യാൻ ഞങ്ങൾ അശക്തരാണ്.. വാദപ്രതിവാദങ്ങൾ നിരത്തിയതിൽ എവിടെയാണ് പിഴച്ചത്…. സംശയത്തിന്റെ ആനുകൂല്യം മോഹിച്ച് ഇനിയും ഗോവിന്ദച്ചാമിമാർ ഉണ്ടാകും.. ഭിന്നനെങ്കിലും കാമവെറിയുമായി ഇനിയും അവൻമാർ പതിയിരുപ്പുണ്ടാകും… സൌമ്യ നീ മരിച്ചിട്ടില്ല…നിന്നെ കൊന്നുകൊണ്ടേയിരിക്കും…. ആർക്കും നിന്നെ രക്ഷിക്കാനാകില്ല…ആരും നിന്റെ വേദന കാണില്ല… അവർ നിനക്ക് വേണ്ടി പുഷ്പചക്രങ്ങൾ സമർപ്പിക്കും…. അവർ നിനക്ക് വേണ്ടി മെഴുകുതിരികൾ കത്തിച്ച് പ്രാർത്ഥിക്കും… പക്ഷേ നീ എന്നും മോക്ഷമില്ലാത്തെ അലയും… മാപ്പ്…സൌമ്യയെ ഈ ലോകത്തിൽ പ്രസവിച്ചതിന്… മാപ്പ്…അവളെ വളർത്തി വലുതാക്കിയതിന്.. മാപ്പ്…അവൾക്ക് നീതിയില്ലാതാക്കിയതിന്… നിനക്ക് മാപ്പില്ല ഗോവിന്ദച്ചാമിയേ…അമ്മമാരൊക്കെ നിനക്ക് വിധിയെഴുതിയിട്ടുണ്ട്.. സുപ്രീംകോടതിക്കും മേലെ ചില വിധികളുണ്ട്.. അവ നിലക്കാതെ നിന്നെ വിധിച്ചുകൊണ്ടിരിക്കും…

അ ഭിനന്ദിക്കുക നമ്മുടെ വിദേശകാര്യവകുപ്പിനെയും മന്ത്രിമാരെയും......... ഐപ്പ് വള്ളികാടൻ പ്രവാസി കാര്യ വകുപ്പിനെ വിദേശകാര്യ മന്ത്രാലയത്തിൽ ലയിപ്പിച്ചപ്പോൾ വിളറിപൂണ്ടവർ ഇപ്പോൾ എവിടെയാണ്?മലയാളിയായ വയലാർ രവി യുപിഎ ഭരണകാലത്ത് പ്രവാസി മന്ത്രിയായിരുന്നപ്പോൾ,മാധ്യമപ്രവർത്തകർ ചോദ്യം ചോദിക്കുന്പോൾ അദ്ദേഹത്തിന്റെ ഒരു സ്ഥിരം മറുചോദ്യമുണ്ടായിരുന്നു,നിങ്ങള് പറ ഞാനെന്ത് ചെയ്യണം? ഇപ്പോൾ ഈ വകുപ്പില്ല വകുപ്പ് മന്ത്രിയുമില്ല,പകരം കേന്ദ്രത്തിൽ കാര്യക്ഷമമായി പ്രവർത്തിക്കുന്ന വിദേശകാര്യ വകുപ്പുണ്ട്.അതിന്റെ തലപ്പത്ത്  സുഷമാ സ്വരാജും. ഇപ്പോൾ സജീവമായ സൌദി വിഷയത്തിൽ വിദേശകാര്യ വകുപ്പ് എത്ര കാര്യക്ഷമമായി ഇടപെട്ടുവെന്നതിന്റെ തെളിവുകൾ  നാം കണ്ടുകൊണ്ടിരിക്കുകയാണ്. സൌദി തൊഴിൽ മന്ത്രി മുഫരിജ് അൽ ഹഖ്ബാനിയെ നേരിൽ കണ്ട് കാര്യങ്ങൾ ബോധ്യപ്പെടുത്താനും വേണ്ട പരിഹാരം നേടാനും വിദേശകാര്യ സഹമന്ത്രി വി.കെ.സിംഗിന് കഴിഞ്ഞു. ഒരു പട്ടാളക്കാരൻ രാഷ്ട്രീയക്കാരനായാൽ എന്ത് ഗുണം എന്ന് ചോദിക്കുന്നവർക്ക് ഇനി ഒറ്റ ഉത്തരം മതി, അത് ജനറൽ വി.കെ.സിംഗ് എന്ന കേന്ദ്ര വിദേശകാര്യ സഹമന്ത്രിയാണ്.െയമനിലെ  ഓപ്പറേഷൻ റാഹത്ത് ...

ലാപ് ടോപ് ബാഗെടുക്കാനല്ല ഞാൻ പറഞ്ഞത്..... പങ്കുവച്ചത് പ്രവാസിയുടെ വികാരം മാത്രം... ഐപ്പ് വള്ളികാടൻ വികാരഭരിതമെന്നും,വീഢിത്തമെന്നും,വിവരക്കേടെന്നും,വെടിക്കെട്ടെന്നും  എന്റെ എഴുത്തിനെ വിമർശിച്ചവർക്കും അനുകൂലിച്ചവർക്കും നന്ദി...... വിമാനാപകടമോ മറ്റേതെങ്കിലും അപകടമുണ്ടാകുന്പോഴോ ലാപ്ടോപ്പ് ബാഗെടുക്കാൻ നിർദേശിക്കുന്നതോ,അതിനെ ന്യായീകരിക്കുന്നതോ അല്ലായിരുന്നു എന്റെ എഴുത്തന്ന് ആദ്യം തന്നെ വ്യക്തമാക്കട്ടെ.അത്തരം ചിന്തകൾക്ക് വാക്കുകൾ വഴിമരുന്നിട്ടെങ്കിൽ അത് കത്തിക്കരുതെന്നും അപേക്ഷ. ഇന്ത്യാക്കാരെ പ്രത്യേകിച്ച് മലയാളികളെ മോശക്കാരാക്കുന്ന വികാരപ്രോക്ഷോപത്തിനും,കൊതിയോടെ കൊണ്ട് വരുന്ന നാട്ട് വിഭവങ്ങളെ ട്രോളാക്കിയ വികാരത്തെയാണ് ഞാൻ എഴുത്തിലൂടെ വേറൊരു തലത്തിലേക്കെത്തിക്കാൻ ശ്രമിച്ചത്. പക്ഷേ ഒരു കാര്യം തീർച്ചയാണ്,അണ്ടിയോടടുക്കോന്പോൾ അറിയാം പുളി എന്നൊരു പഴഞ്ചൊല്ലുണ്ട്.എന്റെ എഴുത്തിനെ വളരെ രൂക്ഷമായി വിമർശിച്ച ചില ആളുകളോട് ഞാൻ ചോദിച്ചു.നിങ്ങൾക്കാണ് ഈ അവസ്ഥ ഉണ്ടായതെങ്കിൽ എന്ത് ചെയ്യും,തലക്ക് മുകളിലുള്ള രേഖകളാൽ സന്പന്നമായ ലാപ്ടോപ്പ് പോലുമില്ലാത്ത ബാഗ് നിങ്ങളെടുക്കുമോ ഇല്ലയോ,തെല്ലൊന്നാലിച്ച് അവരി...

എമിറേറ്റ്സിൽ  ലാപ്ടോപ്പ് തിരഞ്ഞവരെയും പോത്തിറച്ചി കൊണ്ടുവന്നവരെയും കളിയാക്കുന്നവർക്ക്....... ട്രോളൻമാരും, ഓൺലൈൻ പത്രങ്ങളും,വാട്സ്ആപ്പ് സന്ദേശങ്ങളും ഇപ്പോൾ എമിറേറ്റ്സ് വിമാനം കത്തിയമരും മുന്പ് ബാഗുകളെടുക്കാൻ തത്രപ്പാട് കാട്ടിയ മലയാളി പ്രവാസികളെക്കുറിച്ചാണ് പടച്ചുവിടുന്നത്. മണിക്കൂറുകൾക്ക് മുന്പ് വരെ ഈ വിമാനത്തിലെ രക്ഷപെട്ട  യാത്രക്കാരുമായി സംസാരിക്കുകയായിരുന്നു ഞാൻ.ആ കൂട്ടത്തിൽ കുട്ടികളും മുതിർന്നവരും ഒക്കെയുണ്ടായിരുന്നു. എന്താണ് അവർ ചെയ്ത തെറ്റ്,ലോകത്തെ ഏറ്റവും സുരക്ഷിതമായ വിമാനമെന്ന് ലോകം പുകഴ്ത്തിയ എമിറേറ്റ്സ് വിമാനത്തിലായിരുന്നു അവർ,ലോകത്തെ ഏറ്റവും തിരക്കേറിയ, സുരക്ഷയിലും സംവീധാനങ്ങളിലും ലോകത്തിലെ തന്നെ മുന്തിയ ദുബായി വിമാനത്താവളത്തിന്റെ  റൺവേയിലായിരുന്നു അവർ, എമർജൻസി ലാന്റിംഗ് നടത്തിയപ്പോൾ,വരാൻ പോകുന്നത് വലിയ ദുരന്തമാണെന്ന് അവരിൽ ഒരാൾ പോലും വിചാരിച്ച് കാണില്ല, ലാപ്ടോപ്പിനും,ബാഗിനും വേണ്ടി പരക്കം പായുന്ന നിങ്ങളെല്ലാം കണ്ടുവെന്ന് പറയുന്ന വിമാനത്തിനുള്ളിലെ വീഡിയോ ഞാനും കണ്ടു അതിലെ ഓരോ ശബ്ദവും കേട്ടു,അതിൽ ഉൾപ്പെട്ടവരെ നേരിട്ട് കണ്ട് സംസാരിച്ചു. വീഡിയോവിൽ പ്രധാ...

  ഐപ്പ് വള്ളികാടൻ സൂര്യനെയും സൂര്യപ്രകാശത്തെയും ഇത്രമേൽ സ്നേഹിക്കുന്ന രണ്ട് പേർ ഒരു പക്ഷേ ഈ ഭൂമിയിൽ തന്നെ ഉണ്ടാകില്ല,ആകാശങ്ങൾ കീഴടക്കിയ പലരും സാധ്യമാകില്ലെന്ന് പറഞ്ഞ സ്വപ്നം സാക്ഷാൽക്കരിച്ച ഇവർക്കൊപ്പം സൂര്യൻ കൂട്ടുനിന്നു.ബെർട്രാന്റ് പിക്കാർഡും,ആന്ദ്രേ ബോഷ്ബെർഗും പിന്നെ അവരുടെ സോളാർ ഇംപൾസ് രണ്ട് വിമാനവും സൂര്യതേജസ്സോടെ തല ഉയർത്തി നിൽക്കുന്നു. 2015 മാർച്ച് 9 ന് അബുദാബി അൽ ബത്തീൻ എക്സിക്യൂട്ടീവ് വിമാനത്താവളത്തിൽ നിന്ന് മസ്കറ്റിലേക്ക് പറന്ന വിമാനം നാൽപത്തിരണ്ടായിരം കിലോമീറ്ററുകളിലേറെ താണ്ടി 505 ദിവസങ്ങളുടെ സംഭവബഹുലമായ യാത്ര പിന്നിട്ട്  2016 ജുലൈ 26 ന് പുലർച്ചെ നാല് നാലിന് അബുദാബയിൽ തിരിച്ചിറങ്ങി. ചുവപ്പ് പരവതാനി വിരിച്ചാണ് അസാധ്യമായത് സാധ്യമാക്കിയ,ഒരു തുള്ളി ഇന്ധനം പോലുമില്ലാതെ,സൌരോജർജ്ജത്തിൽ മാത്രം പ്രവർത്തിക്കുന്ന സോളാർ ഇംപൾസ് ടുവിന്റെ സൃഷ്ടാക്കളും വൈമാനികരുമായ ബെർട്രാന്റ് പിക്കാർഡിനെയും ആന്ദ്രേ ബോഷ്ബെർഗിനെയും അബുദാബി സ്വീകരിച്ചത്. പതിറ്റാണ്ടുകളായി പരന്പരാഗത ഊർജ്ജ സ്ത്രോതസുകളെ  പുണരുന്ന ഒരു ഗൾഫ് നാട് പുനരുപയോഗ,മാലിന്യഹരിതമായ സൌരോർജ്ജത്തിൽ മാത്രം വിശ്വസ...

ഐപ്പ് വള്ളികാടൻ കൃഷ്ണനെ ഇങ്ങനെ ആരാധിക്കുകയും  സ്നേഹിക്കുകയും ചെയ്യുന്ന ഒരു സ്ത്രീ യുഎഇയിൽ ഉണ്ടാവില്ല,അത്രക്കുണ്ട് അജ്മാനിലെ പ്രസീനയുടെ കൃഷ്ണഭക്തി. ഗുരുവായൂരിൽ വേരുകളുള്ള പ്രസീന ജനിച്ചതും വളർന്നതുമൊക്കെ മദ്രാസിലാണ്.വിവാഹം കഴിച്ചത് ഗുരുവായൂരുകാരൻ ബിനോജിനെ,പ്രവാസജീവിതത്തിലേക്ക് കടന്നപ്പോൾ താൻ ഏറെ ആരാധിക്കുന്ന കൃഷ്ണനെയും ഒപ്പം കൂട്ടി. പ്രസീനയുടെ രണ്ട് മുറി ഫ്ലാറ്റിൽ നിറഞ്ഞ് നിൽക്കുയാണ് കൃഷ്ണൻ,പ്രാർത്ഥനയുടെ ഇടം മുതൽ കിടപ്പുമുറികൾ വരെ നീളുന്ന കൃഷ്ണവിഗ്രഹങ്ങൾ. ഫ്ലാറ്റിലെ ഹാളിലെ വലിയ അലമാരയിൽ നിറയെ കൃഷ്ണ വിഗ്രഹങ്ങൾ നിറഞ്ഞിരിക്കുന്നു. കഥകളിയിലെ കൃഷ്ണവേഷം,തുണിയിൽ തുന്നിയ കൃഷ്ണൻ,ലേസർ സാങ്കേതികയിൽ ഗ്ലാസിൽ പുല്ലാങ്കുഴൽ വായിക്കുന്ന കൃഷ്ണൻ,വെള്ളിയിലും മറ്റ് ലോഹങ്ങളിലും തീർത്ത വെണ്ണ തിന്നുന്ന കുട്ടികൃഷ്ണൻ,എണ്ണഛായത്തിൽ തീർത്ത് കൃഷ്ണരൂപം,മരത്തിലും മണ്ണിലും സെറാമിക്സിലും പ്ലാസ്റ്റിക്കിലും പുഞ്ചിരി തൂകി നിൽക്കുന്ന കൃഷ്ണൻ,ആലിലയിൽ കിടക്കുന്ന  ശ്രീ കൃഷ്ണൻ  അങ്ങനെ നീളുന്ന പ്രസീനയുടെ കൃഷ്ണ വിശേഷങ്ങൾ. ഇവയിൽ ഏറെ വിലപ്പെട്ടത് പത്താം വിവാഹ വാർഷികത്തിൽ ഭർത്താവ് സമ്മാനിച്ച...

ബാരൽ ബോംബിനെ തോൽപ്പിച്ച കുഞ്ഞ്... സിറിയയിലെ യുദ്ധക്കളങ്ങളിൽ അവസാന ശ്വാസം വലിച്ച കുട്ടികളുടെ കണക്ക് ആർക്കും അറിയില്ല. ഇന്നും തന്റെ കയ്യില് നിന്നും പിടിവിട്ടു പോയ,മുലയിൽ നിന്നും അകന്നുപോയെ മക്കളെയോർത്ത് അമ്മമാർ അന്വേഷിച്ച് നടക്കുന്നുണ്ടാകും. സിറിയയിലെ സന്നദ്ധ പ്രവർത്തകനായ ഖാലിദ് ഫറായുടെ ജീവിതത്തിൽ മറക്കാൻ കഴിയാത്ത ഒന്നുണ്ട്. ബാരൽ ബോംബുകൾ വീണ തകർന്ന മൂന്ന് നില കെട്ടിടാവശിഷ്ടത്തിനടിയിൽ നിന്നും ജീവനോടെ അവൻ ഒരു കുഞ്ഞിനെ വലിച്ചെടുത്തു. നിർത്താല കരഞ്ഞുകൊണ്ടിരുന്ന അവന്റെ/അവളുടെ തലയിൽ ചോരത്തുള്ളികളുണ്ടായിരുന്നു. കുഞ്ഞിനെ രക്ഷിച്ച ശേഷം ഖാലിദ് ഫറാ പറഞ്ഞതൊന്നുണ്ട്,ബാരൽ ബോംബിനേക്കാൾ ശക്തനായിരുന്നു ആ കുഞ്ഞെന്ന്.. പിന്നെ ആ കുഞ്ഞിനെ അന്വേഷിച്ചോ എന്ന ചോദ്യത്തിന് ഖാലിദ് പറഞ്ഞ ഉത്തരമാണ് എന്റെ കണ്ണു നനച്ചത്. അതിന് സമയമില്ല,ഇതുപോലെ എത്രയോ കുട്ടികൾ ഇപ്പോഴും രക്ഷക്കായി കരഞ്ഞുകൊണ്ടേയിരിക്കുന്നു...

ഭയക്കണം..സ്വന്തം അമ്മയെ വെട്ടിനുറുക്കിയാണ്  അവർ പുറപ്പെടുന്നത്…. ചെറിയ പെരുന്നാൾ ദിനത്തിൽ വായിച്ച വാർത്തകളിൽ ഏറെ സങ്കടകരമായിരുന്നു സൌദിയിൽ നിന്നുള്ള ആ വാർത്ത.ഇസ്ലാമിക് സ്റ്റേറ്റിൽ ചേരാൻ മാതാവ് വിസമ്മതിച്ചതിനെത്തുടർന്ന് മക്കൾ അമ്മയെ വെട്ടിനുറുക്കി,പിതാവിനെ ക്രൂരമായി ഉപദ്രവിച്ചു.കുട്ടികളാണ് കഷ്ടിച്ച് ഇരുപത് വയസ്സ് മാത്രമുള്ള ഇരട്ട സഹോദരൻമാരായ ഖാലിദും സാലിഹും ,67 വയസ്സുള്ള ഉമ്മയെ കൊന്നു… ഐസ്സിൽ ചേരാൻ മക്കൾ തയാറെടുക്കുന്ന കാര്യം ഉമ്മ വേദനയോടെയാണ് മനസ്സിലാക്കിയത്.നൊന്ത് പെറ്റ് വിശ്വാസ തീഷ്ണതയിൽ വളർത്തിയ മക്കളുടെ ഈ പ്രവർത്തി ആ ഉമ്മക്ക് സഹിച്ചില്ല,അവർ എതിർത്തു,വാക്കുകൾ കനപ്പിച്ചും,കണ്ണീരൊഴിക്കിയും ആ ഉമ്മ മക്കളെ പിന്തിരിപ്പിക്കാൻ ശ്രമിച്ചു. ഫലമുണ്ടായില്ല,മക്കൾ ഉമ്മയെ ചെവിക്കൊണ്ടില്ല,അതീവ വേദനയോടെ നൊന്ത് പ്രസവിച്ച അമ്മയുടെ ജീവൻ അവരങ്ങെടുത്തു,തടയാൻ ശ്രമിച്ച പിതാവിനെയും വെറുതെ വിട്ടില്ല,ചുടുചോര വീണ വീട്ടിൽ നിന്നും അവർ രക്ഷപെടാൻ ശ്രമിച്ചെങ്കിലും അവർ പിടിയിലായി…ഐസ് അനുഭാവികൾ സ്വന്തം കുടുംബാംഗങ്ങളെ നശിപ്പിക്കുന്ന അഞ്ചാമത്തെ സംഭവമാണ് സൌദിയിൽ. ലോകമെങ്ങുമുള്ള ഇസ്ലാം മത വിശ്വാസികള...

   താരിഷി എന്ന പേര് ലോകത്തിലെ പല രാജ്യങ്ങളിലുമുണ്ട്,ഇന്റർനെറ്റിൽ പരതിയപ്പോൾ ആഫ്രിക്കക്കാരുടെ സ്വന്തമായ സ്വാഹിലിയിലും  താരിഷി  എന്ന പേരുണ്ട്,ഈ പേരിനർത്ഥം സന്ദേശവാഹക എന്നാണ്, ബംഗ്ലാദേശിലെ ഹൌളി ആർട്ടിസാൻ ബേക്കറിയിൽ വെടിയൊച്ചകളും,നിലവിളികളും ഉയരുന്പോൾ പേടിച്ചരണ്ട് ശൌചാലയത്തിൽ മുട്ടുകൾ വിറച്ച്,വാക്കുകൾ കിട്ടാതെ,കണ്ഠമിടറി ഒരു പെൺകുട്ടി ഉത്തർപ്രദേശിലെ തന്റെ രക്തബന്ധങ്ങളോട് എന്തോ പറയാൻ ശ്രമിക്കുകയായിരുന്നു.മറുതലക്കൽ അവളെ ആശ്വസിക്കാൻ പോലുമാകാതെ അവർ വിതുന്പിയിട്ടുണ്ടാകാം. ലോകം ഞെട്ടിയ അതി ക്രൂരമായ ആക്രമമായിരുന്നു ബേക്കറിയിൽ അപ്പോൾ നടന്നുകൊണ്ടിരുന്നത്.ഹിന്ദിയിൽ  താരിഷി  എന്ന വാക്കിന് വിശുദ്ധരെ പ്രതിനിധാനം ചെയ്യുന്ന സപ്തനക്ഷത്രങ്ങളെന്നാണ് അർത്ഥം. ആരും അവളെ രക്ഷിക്കാനെത്തിയില്ല,പത്തൊന്പതുകാരിയുടെ സ്വപ്നങ്ങളും ആഗ്രഹങ്ങളും കൊതികളും മറ്റാരുടെയോ ദുരാഗ്രഹത്തിന് മുന്നിൽ വേദനയോടെ ചോരത്തുള്ളികളോടെ തകർഞ്ഞടിഞ്ഞു. അവൾക്കൊപ്പം ഗുൽഷനിലെ കാപ്പിക്കും,കേക്കുകൾക്കും പ്രശസ്തമായ ആർട്ടിസാൻ ബേക്കറിയിൽ തല കൊയ്തെടുക്കപ്പെട്ട അവളുടെ സുഹൃത്തുക്കളായ അബിന്ദ കബീറും,ഫരാസ് ഹൊസൈനുമൊക്ക...

ഇഫ്താറിൽ പാഴാകുന്നത്,എത്രയോ പേരുടെ വയറ് നിറക്കും…???? ചില കാഴ്ചകൾ വലിയ ചിന്തകളിലേക്ക് എന്നെ കൂട്ടിക്കൊണ്ട് പോകാറുണ്ട്,പല നല്ല വാർത്തകളും ജനിക്കുന്നത് ഇത്തരം കാഴ്ചാനന്തരമുള്ള ചിന്തകളിൽ നിന്നാണ്. കഴിഞ്ഞ അഞ്ച് വർഷമായി ഞാൻ ഗൾഫിലെ മാധ്യമപ്രവർത്തകനാണ്.2011 ലെ നോന്പ് കാലത്തിന് ശേഷം ഇക്കുറിയാണ് നാട്ടിൽ  പോകാതെ റംസാൻ മാസക്കാലത്ത് ഇവിടെയാകുന്നത്. ആരെയും വേദനിപ്പിക്കാനോ,വിമർശിക്കാനോ അല്ല, ഈ കുറിപ്പ് മറിച്ച് സ്വംയം വിമർശനാത്മകമായി കുറിക്കുന്ന ചില വാക്കുകൾ മാത്രം. ഇഫ്താർ വിരുന്ന് ആഡംബരത്തിന്റെയും,പണക്കൊഴുപ്പിന്റെയും,പെരുമയുടെയും വിരുന്നുകളായി മാറുന്നുണ്ടോയെന്ന ചെറിയ ചിന്തയിൽ നിന്നാണ് ഈ എഴുത്ത്. കാരണം മറ്റൊന്നുമല്ല,ദുബായിലെ ഏതൊരു ചെറിയ ഹോട്ടലിൽ പോയാലും ഇഫ്താർ വിഭവങ്ങളുടെ നീട്ടിയെഴുതിയ നോട്ടീസ് ബോർഡുകളാണ്,ചിലർ നന്നായി പണം മുടക്കി യുഎഇയുടെ രാജപാതയായ ഷെയ്ഖ് സായിദ് റോഡിലടക്കം കൂറ്റൻ പരസ്യ ബോർഡുകൾ സ്ഥാപിച്ചിരിക്കുന്നു.മറ്റുചിലർ പത്രങ്ങളിലും ചാനലുകളിലും വലിയ പണം മുടക്കിൽ പരസ്യങ്ങൾ നൽകുന്നു. എന്തിനാണ് ഈ ഇഫ്താർ വിരുന്നുകൾ?  എന്റെ കുട്ടിക്കാലത്ത് ഞങ്ങളുടെ വീടിന്റെ അടുത്ത് ജ...

മാലിന്യം നിക്ഷേപിക്കാനുള്ള പെട്ടിക്ക് സമീപം മൂക്കുപൊത്തിയാണ് പലരും ചെല്ലാറുള്ളത്,എന്നാൽ ഷാർജയിലെ തെരുവുകളിലെ മാലിന്യനിക്ഷേപ പെട്ടിക്ക് സമീപം ഇപ്പോൾ ആളുകൾ മൊബൈലുമായി സമയം ഏറെ ചിലവഴിക്കുന്നുണ്ട്.കാരണം ഇതൊരു സ്മാർട്ട് കുപ്പത്തൊട്ടിയാണ്.

പെറ്റമ്മയായ ഇന്ത്യയെയും പോറ്റമ്മയായ യുഎഇയെയും  വാച്ചുകളിലൂടെ ചിത്രീകരിച്ചിരിക്കുകയാണ് മലയാളിയുടെ ഉമസ്ഥതതയിലുള്ള യുഎഇയിലെ 'കറാ' ജ്വല്ലറി.പതിനെട്ട് ക്യാരറ്റ് സ്വർണ്ണത്തിലും വജ്രത്തിലുമാണ് ഈ വാച്ചുകൾ നിർമ്മിച്ചിട്ടുള്ളത്.സ്വസ് സാങ്കേതികതയിലുള്ള വാച്ചിന്റെ രൂപകൽപനയും നിർമ്മാണവും ബാങ്കോക്കിലാണ് നടന്നത്.മലയാളിയായ സഞ്ജയ് ചാണ്ടിയുടെ താൽപര്യപ്രകാരം നിർമ്മിച്ച വാച്ചുകളിൽ ഇന്ത്യയുടെയും യുഎഇയുടെയും ദേശീയ പതാകകളുടെ നിറങ്ങൾ ചേർത്തിണക്കിയിരിക്കുന്നു. 2020ൽ ദുബായി ആതിഥ്യം വഹിക്കുന്ന എക്സ്പോയുടെ മുദ്രയാണ് യുഎഇയുടെ വാച്ചിനുള്ളിൽ ആലേഖനം ചെയ്തിരിക്കുന്നത്.കൈ അനങ്ങുന്നതനുസരിച്ച് ഈ മുദ്രയും കറങ്ങും.സാഫൈർ ക്രിസ്റ്റൽ ഉപയോഗിച്ചാണ് വാച്ചിന് ചില്ലിട്ടിരിക്കുന്നത്.മുത്തു കളും സ്റ്റീലും വാച്ചിന്റെ നിർമ്മാണത്തിന് ഉപയോഗിച്ചിട്ടുണ്ട്. ഇന്ത്യയുടെ വാച്ചിൽ അശോക ചക്ര മുദ്രയാണ് പതിപ്പിച്ചിട്ടുള്ളത്.ഇറ്റാലിയൻ ലെതറുപയോഗിച്ചാണ് സ്ട്രാപ്പുണ്ടാക്കിയിരിക്കുന് നത്. ലിമിറ്റഡ് എഡിഷൻ വാച്ചുകളായ ഇവക്ക് നേരത്തെ ഇരുപതിനായിരം ദിർഹമാണ് ഇതിന്റെ  വില,

ഒമാന്റെ ചരിത്രത്തിൽ നാട്ടു രാജ്യങ്ങളുടെ കഥകൾ ഏറെയുണ്ട്.റുസ്താഖ് എന്ന പ്രദേശവും ഇതില്‍ നിന്നും വ്യത്യസ്തമല്ല. റുസ്താഖ് മേഖലയില്‍ ഇമാം എന്നറിയിപ്പെട്ടിരുന്ന ഇമാം ബിന്‍ അറൂബ് ബിന്‍ സുല്‍ത്താന്‍ അല്‍ അറുബിയുടെ കാലഘട്ടം ഇവിടുത്തുകാരുടെ നല്ല കാലമായാരുന്നുവെന്നാണ് പഴമക്കാർ പറയുന്നത്. ഇമാം പണികഴിപ്പിച്ച കോട്ടയായിരുന്നു ഈ പ്രദേശത്തുകാരുടെ പ്രധാന കേന്ദ്രം. ആറാം നൂറ്റാണ്ടില്‍ ഇമാം ബിന്‍ അറൂബ് നിര്‍മിച്ച ശഅ്മാന്‍ എന്ന ഈ കോട്ട ഒമാന്‍ സര്‍ക്കാര്‍ ഏറെ പ്രാധാന്യത്തോടെയാണ് ഇന്നും സംരക്ഷിക്കുന്നത്. പഴമയുടെ വേരറ്റുപോകാത്ത രീതിയിലാണ് അറ്റകുറ്റ പണികളെല്ലാം നടത്തുന്നത്.അക്കാലത്ത് നാടന്‍ ആഡംബര വസതി എന്ന് വിശേഷിപ്പിച്ചിരുന്ന ഈ കോട്ട റുസ്താഖ് അല്‍ ഹസ് ഭാഗത്തേക്കുള്ള ദുര്‍ഘട യാത്രക്കിടയില്‍ ഒരു വിശ്രമ കേന്ദ്രമായും പിൽക്കാലത്ത് പ്രയോജനപ്പെട്ടു. ഇമാമിനും കുടുംബത്തിനും താമസിക്കാന്‍ അഞ്ച് മൂറികള്‍ കോട്ടയുടെ പ്രധാന ഭാഗങ്ങളിലായി അതീവ സുരക്ഷാ സംവിധാനങ്ങളോട് കൂടെ നിര്‍മിച്ചിട്ടുണ്ട്.  1692ല്‍ കോട്ടയിലെ കുടിവെള്ളത്തിനും കൃഷിക്കുമായി നിർമ്മിച്ച കനാല്‍ ഇന്നും നിലനിര്‍ത്തിയിരിക്കുന്നു.  ക...