നിന്നേക്കാൾ മൂത്തവനായ എന്രെ മകൻ കൊച്ചൈപ്പും ഗാഢമായി ഉറങ്ങുന്നത് കമഴ്ന്നാണ്...
മുഖം നിന്നേപ്പോലെ തന്നെ ചരിഞ്ഞിരിക്കും....
ഞാനിടക്കവന്റെ ഹൃദയമിടിപ്പ് നോക്കും..
ചിലപ്പോൾ ശ്വാസം നന്നായി കിട്ടാൻ,ഞാനവനെ മലർത്തി കിടത്തും...
അഛന്റെ കയ്യിൽ നിന്നും വഴുതി ആഴങ്ങളിലേക്ക് നീ പതിച്ചപ്പോൾ ശ്വാസം കിട്ടാതെ...
മൂക്കിലൂടെയും വായിലൂടെയും ഓക്സിജന് പകരം കടൽവെള്ളമല്ലേ നീ ശ്വസിച്ചത്...
പാലുകുടിച്ച് വീർത്ത നിന്റെ വയറിൽ നിറയെ ഉപ്പുവെള്ളം നിറഞ്ഞില്ലേ....
പാട്ടുപാടിയുറക്കിയ,കഥകേട്ടുറങ്ങിയ നിന്റെ രാത്രികൾ കടലന്റെ അഗാധതയിൽ താണുപോയില്ലേ...
കഥകളിൽ നീ കേട്ട നല്ല രാജ്യം കാണാതെ....
കഥകളിൽ നീ വിശ്വസിച്ച നല്ല കാഴ്ചകൾ കാണാതെ..
നിന്റെ കഥ കഴിച്ചില്ലേ ഈ ലോകം..
പ്രിയ ഐലാൻ..നിനക്ക് നിത്യശാന്തി നേരുന്നു..
യുദ്ധങ്ങളിൽ കൊല്ലപ്പെടുന്ന കുഞ്ഞുങ്ങൾ...
കലാപങ്ങളിൽ അനാഥരാകുന്ന കുഞ്ഞുങ്ങൾ...
കുടുംബകലഹങ്ങളിൽ ഒറ്റപ്പെടുന്ന കുഞ്ഞുങ്ങൾ...
ഐലാൻ നീയും നൊന്പരപ്പെടുത്തുന്നു...
ആഴങ്ങളിൽ വീണു മുറിഞ്ഞ നിന്റെ ശ്വാസം നിലക്കാതിരുന്നെങ്കിൽ എന്ന് ഞാൻ
വെറുതെ ആശിക്കുന്നു...
കൊച്ചൈപ്പ് ഇപ്പോഴും എന്റെ മുന്പിലുറങ്ങുന്നുണ്ട്.....
ഐലാന്റെ വേദനകളറിയാതെ അവൻ വളരാൻ ഞാൻ ദൈവത്തോട് പ്രാർത്ഥിക്കുന്നു...
പ്രിയ ഐലാൻ സ്വർഗത്തിന്റെ വാതിലുകൾ നിനക്ക് വേണ്ടി തുറന്ന് കിടപ്പുണ്ട്...
സ്വർഗ്ഗസ്ഥനായ പിതാവിന്റെ അരികിൽ നിന്നെ പരിലാളിക്കാൻ മാലാഖമാർക്കൊപ്പം നിന്റെ അമ്മ റിഹാനയും,ചേട്ടൻ ഗാലിബും കാത്തിരിപ്പുണ്ട്...
പ്രിയ ഐലാൻ നിത്യശാന്തി നേരുന്നു ഞാനൊരിക്കൽകൂടി...

Comments

Post a Comment

Popular posts from this blog

An Attitude which ruins a Community.....ജീവനും കൊണ്ടോടുന്പോഴും തെറിപറയുന്നവർ......

Image
ജീവനും കൊണ്ടോടുന്പോഴും തെറിപറയുന്നവർ...... കലാപം തുടരുന്ന യെമനിലും,പ്രകൃതി ദുരന്തം തകർത്തെറിഞ്ഞ നേപ്പാളിലും ഇന്ത്യയെപ്പോലെ ഒരു രാജ്യം ഇത്രകണ്ട് വിയർപ്പൊഴിക്കിയിട്ടില്ല.സ്വന്തം രാജ്യക്കാരെപ്പോലെ തന്നെ മറ്റുള്ളവരെയും രക്ഷിക്കാൻ ഇന്ത്യ കാണിച്ച ഉൽസാഹം ലോകം വാഴ് ത്തുകയാണ്. യെമനിലെ കലാപക്കാഴ്ചകളും, രക്ഷാപ്രവർത്തനവും നേരിട്ട് കണ്ട വ്യക്തി എന്ന നിലയിൽ ഇന്ത്യയുടെ, പ്രത്യേകിച്ച് വിദേശകാര്യമന്ത്രാലത്തിന്റ ഓരോ പ്രവർത്തനങ്ങളെയും അഭിനന്ദിക്കുക മാത്രമെ എന്നെപ്പോലെ ഒരാൾക്ക് കഴിയുകയുള്ളു.സനയിൽ നിന്ന് വിമാനം കിട്ടാൻ കഴിയാതെ വിഷമിച്ച അമേരിക്കക്കാരെയും,ലണ്ടൻകാരെയും,ഓസ്ട്രേലിയക്കാരെയും എയർ ഇന്ത്യയുടെ മുൻ സീറ്റിൽ ഇടം കൊടുത്ത് ഇന്ത്യയെന്ന മഹാരാജ്യം സുരക്ഷിത സ്ഥലങ്ങളിലെത്തിച്ചു.കുടിക്കാൻ വെള്ളവും കഴിക്കാൻ ഭക്ഷണവും നൽകി. യെമനിൽ നിന്നും രക്ഷപെട്ട് ജിബൂത്തിയെന്ന ആഫ്രിക്കൻ രാജ്യത്തെത്തിച്ച മലയാളികൾ കൊച്ചിയിലേക്ക്  അടിയന്തര വിമാനം പറത്തണമെന്നാവശ്യപ്പെട്ട് ഒച്ചയുണ്ടാക്കി, കേന്ദ്രമന്ത്രിയോടും,അംബാസഡറോടും തട്ടിക്കയറുന്നത് ഞാൻ നേരിട്ട് കണ്ടിരുന്നു.ഒരു ദിവസം ജിബൂത്തിയിലെ കപ്പലിൽ വിശ്രമിക്കാൻ പറഞ്ഞപ്പോൾ പറ്റി...
Read more

ലാപ് ടോപ് ബാഗെടുക്കാനല്ല ഞാൻ പറഞ്ഞത്.....പങ്കുവച്ചത് പ്രവാസിയുടെ വികാരം മാത്രം...

Image
ലാപ് ടോപ് ബാഗെടുക്കാനല്ല ഞാൻ പറഞ്ഞത്..... പങ്കുവച്ചത് പ്രവാസിയുടെ വികാരം മാത്രം... ഐപ്പ് വള്ളികാടൻ വികാരഭരിതമെന്നും,വീഢിത്തമെന്നും,വിവരക്കേടെന്നും,വെടിക്കെട്ടെന്നും  എന്റെ എഴുത്തിനെ വിമർശിച്ചവർക്കും അനുകൂലിച്ചവർക്കും നന്ദി...... വിമാനാപകടമോ മറ്റേതെങ്കിലും അപകടമുണ്ടാകുന്പോഴോ ലാപ്ടോപ്പ് ബാഗെടുക്കാൻ നിർദേശിക്കുന്നതോ,അതിനെ ന്യായീകരിക്കുന്നതോ അല്ലായിരുന്നു എന്റെ എഴുത്തന്ന് ആദ്യം തന്നെ വ്യക്തമാക്കട്ടെ.അത്തരം ചിന്തകൾക്ക് വാക്കുകൾ വഴിമരുന്നിട്ടെങ്കിൽ അത് കത്തിക്കരുതെന്നും അപേക്ഷ. ഇന്ത്യാക്കാരെ പ്രത്യേകിച്ച് മലയാളികളെ മോശക്കാരാക്കുന്ന വികാരപ്രോക്ഷോപത്തിനും,കൊതിയോടെ കൊണ്ട് വരുന്ന നാട്ട് വിഭവങ്ങളെ ട്രോളാക്കിയ വികാരത്തെയാണ് ഞാൻ എഴുത്തിലൂടെ വേറൊരു തലത്തിലേക്കെത്തിക്കാൻ ശ്രമിച്ചത്. പക്ഷേ ഒരു കാര്യം തീർച്ചയാണ്,അണ്ടിയോടടുക്കോന്പോൾ അറിയാം പുളി എന്നൊരു പഴഞ്ചൊല്ലുണ്ട്.എന്റെ എഴുത്തിനെ വളരെ രൂക്ഷമായി വിമർശിച്ച ചില ആളുകളോട് ഞാൻ ചോദിച്ചു.നിങ്ങൾക്കാണ് ഈ അവസ്ഥ ഉണ്ടായതെങ്കിൽ എന്ത് ചെയ്യും,തലക്ക് മുകളിലുള്ള രേഖകളാൽ സന്പന്നമായ ലാപ്ടോപ്പ് പോലുമില്ലാത്ത ബാഗ് നിങ്ങളെടുക്കുമോ ഇല്ലയോ,തെല്ലൊന്നാലിച്ച് അവരി...
Read more

Do you smoke?ഞാൻ പുകവലിച്ചിട്ടുണ്ട്..

Image
                        'പുകവലിച്ചിട്ടുണ്ടോ എന്ന് ചോദിച്ചാൽ ഉണ്ട് എന്നാണ് എന്റെ ഉത്തരം.                     ഇപ്പോൾ വലിക്കുന്നുണ്ടോ എന്ന് ചോദിച്ചാൽ ഇല്ല എന്നാണ് എന്റെ ഉത്തരം'' ലോകം ഇന്ന് പുകയില വിരുദ്ധ ദിനമായി ആചരിക്കുന്നു.എന്റെ ജീവിതത്തിൽ അടുത്തിടെ കണ്ട രണ്ട് കാഴ്ചാനുഭവങ്ങളിലൂടെയാണ് ഇനി വരുന്ന വാക്കുകൾ. കാഴ്ച ഒന്ന്- ഇടപ്പള്ളികവല കഴിഞ്ഞാൽ അങ്കമാലിക്ക് പോകുന്നവഴി ഇടത് വശത്ത് പൂച്ചെടികൾ വിൽക്കുന്ന കേന്ദ്രമുണ്ട് അതിന്റെ തൊട്ടടുത്തായി ഒരു തട്ടുകടയും,ഭാര്യവീട്ടിലേക്ക് പോകും വഴി സ്ഥിരമായി ഇവിടെ നിന്ന് ചായകുടിക്കുന്ന പതിവുണ്ട്.കഴിഞ്ഞ അവധിക്കാലത്ത് ഞാനും പൊന്നുവും കൂടി ഇവിടെ കാർ നിർക്കി ചായകുടിക്കാൻ കയറി.പ്ലാസ്റ്റിക് വലിച്ചുകെട്ടിയ തട്ടുകടയുടെ പിറകിൽ വലിയൊരു മതിലാണ് അതിന്റെ ഓരം പറ്റിയാണ് തട്ടുകട.പിറക് വശത്ത് ആരുടെയും ശ്രദ്ധയിൽ പെടാതെ ഇരിക്കാൻ സൌകര്യമുണ്ട്.ചായക്ക് പറഞ്ഞ് പിറകുവശത്തേ...
Read more