Iype Vallikadan- ഐപ്പ് വള്ളികാടൻ

മാധ്യമങ്ങള്‍ക്ക് ഇന്ന് ഒരു ചരിത്ര ദിനമാണ്.മാധ്യമപ്രവര്‍ത്തകരും സാമൂഹ്യ സാംസ്കാരിക സംഘടനാ പ്രവര്‍ത്തകര്‍ക്കും ഭരണകൂട സാരഥികള്‍ക്കും ഒരു പോലെ ആഘോഷിക്കാനുള്ള സുദിനം.ഒരു നാടിനെ മുഴുവന്‍ രോഗികളും കഷ്ടപ്പെടുന്നവരുമാക്കുന്ന എന്‍ഡോസള്‍ഫാന്‍ എന്ന മാരക വിഷത്തിന് വിലക്ക് ഏര്‍പ്പെടുത്തിയിരിക്കുന്നു. സ്റ്റോക്ക് ഹോം സമ്മേളനം വളരെ അര്‍ത്ഥവത്തായ തീരുമാനം എടുത്തിരിക്കുന്നു.അന്തര്‍ദേശീയ തലത്തില്‍ എന്‍ഡോസള്‍ഫാന്‍ നിരോധിച്ചു. പക്ഷേ ബദല്‍ മാര്‍ഗ്ഗങ്ങള്‍ കണ്ടെത്തുന്നതുവരെ നിരോധനത്തിന് ഇളവുണ്ടായിരിക്കുമെന്ന വാര്‍ത്ത വരാന്‍ പോകുന്ന അന്വേഷണാത്മ മാധ്യമ പ്രവര്‍ത്തനത്തിന് ഒരു ഉഗ്രന്‍ സ്കൂപ്പാണ്.നിരോധനമേഖലയിലാണ് ഒട്ടേറെ സംഭവങ്ങള്‍ വലിയ വാര്‍ത്തകളായി മാറുന്നത്.അതുകൊണ്ട് തന്നെ നിരോധനത്തിന്‍റെ മറവില്‍ ഒട്ടേറെ കൃഷിയിടങ്ങളില്‍ ഇനിയും ഈ മാരക വിഷം തീണ്ടിയേക്കാം.പക്ഷേ ഈ സൗഭാഗ്യ ദിനം പിണറായി വിജയന്‍ പറയുന്നതുപോലെ വജയാഹ്ലാദം നടത്താനുള്ള സംഭവം തന്നെ. മാരക വിഷത്തിനെതിരെ പോരാടിയ മാധ്യമപ്രവര്‍ത്തകര്‍ക്കും,സാമൂഹ്യ സാംസ്കാരിക മേഖലകളിലെ പ്രവര്‍ത്തകര്‍ക്കും അഭിനന്ദനങ്ങള്‍.കൂടാതെ കാ...

ദീര്‍ഘനാളത്തെ അവഗണനക്ക് ശേഷം ഞാന്‍ ഇന്ന് എന്‍റെ വള്ളികാടന്‍സ് ബ്ലോഗിനെ മാറോടണച്ചിരിക്കുന്നു.ഇനി ഇതില്‍ ആവോളം വിഭവങ്ങള്‍ ഞാന്‍ വിളമ്പും താല്‍പര്യമുള്ളവര്‍ക്ക് കഴിക്കാം.... കഴിച്ചിട്ട് അഭിപ്രായങ്ങള്‍ പറയാം.ഇനി താല്‍പര്യമില്ലാത്തവര്‍ക്ക് ഒഴിവാക്കുകയും ആകാം... സ്നേഹത്തോടെ ഐപ്പ് വള്ളികാടന്‍

കൊച്ചി ടസ്കേഴ്സ് ക്യാപ്റ്റന്‍ മഹേല ജയവര്‍ധനയും സംഘവും കായല്‍ യാത്ര ആസ്വദിക്കാന്‍ ആലപ്പുഴ പുന്നമടിയിലെത്തി.ജയവര്‍ധന,തിസാരെ പെരേര,കോച്ച് ജഫ് ലോസണ്‍ തുടങ്ങിയവരാണ് ഹൗസ്ബോട്ടില്‍ ചുറ്റിക്കറങ്ങാന്‍ കൊച്ചിയില്‍ നിന്നുമെത്തിയത്. ജയവര്‍ധനയും ശ്രീലങ്കന്‍ താരം പെരേരയും കുടുംബസമേതമാണ് കായല്‍ യാത്രക്കെത്തിയത്.താരങ്ങളെ കാണാ‍ന്‍ നിരവധിപേര്‍ പുന്നമട ഫിനിഷിംഗ് പോയിന്‍റിലെത്തിയിരുന്നു. പുലിക്കാട്ടില്‍ ഹൗസ് ബോട്ടിലാണ് ടസ്കേഴ്സിന്‍റെ യാത്ര.സുരക്ഷാ ഉദ്യോഗസ്ഥരും ഒപ്പമുണ്ട്.

പഠിക്കാനും പരീക്ഷ എഴുതാനും പ്രായം പ്രശ്നമല്ലെന്നാണ് ആലപ്പുഴ വാടക്കനാലിലെ പാത്തിയഉമ്മ എന്ന ഫാത്തിമാബീവിയുടെ വാദം.സംസ്ഥാന സാക്ഷരതാ മിഷന്‍ നടത്തിയ നാലാം തരം തുല്യതാ പരീക്ഷ എഴുതിയ ആലപ്പുഴയിലെ ഏറ്റവും പ്രായം കൂടിയ വിദ്യാര്‍ത്ഥിനിയായിരുന്നു 90 വയസ്സ് തികഞ്ഞ ഫാത്തിമാ ബീവി.

ചേര്‍ത്തല താലൂക്ക് ആശുപത്രിയില്‍ അസാധാരണമായ രീതിയില്‍ പ്രസവശസ്ത്രക്രിയ നടന്നുവെന്ന വാര്‍ത്ത മാധ്യമങ്ങളാണ് പുറത്ത് കൊണ്ട് വന്നത് ഈ മാസം 19,20,21 തീയതികളിലായി 22 സിസേറിയനുകളാണ് ഇവിടെ നടന്നത്.അടിയിന്തിര സാഹചര്യങ്ങളില്‍ മാത്രമെ സിസേറിയന്‍ നടത്താവു എന്നാണ് ആരോഗ്യവകുപ്പിന്‍റെ നിര്‍ദ്ദേശം എന്നാല്‍ മൂന്ന് ദിവസം കൊണ്ട് 22 ശസ്ത്രക്രിയകളാണ് ഇവിടെ നടന്നത്.ആശുപത്രി സൂപ്രണ്ട് ഉള്‍പ്പെടെ 5 ഡോക്ടര്‍മാരാണ് ഇവിടെ ഗൈനോക്കോളജി വിഭാഗത്തില്‍ സേവനം ചെയ്യുന്നത്.ഒരു ഡോക്ടറൊഴികെ ബാക്കിയെല്ലാവരും ശസ്ത്രക്രിയകള്‍ ചെയത്.ആരോഗ്യരംഗത്ത് ഏറെ പിന്നോക്കം നില്‍ക്കുന്ന ആലപ്പുഴയിലെ മെച്ചപ്പെട്ട സര്‍ക്കാര്‍ ആശുപത്രിയാണ് ചേര്‍ത്തലയിലെ താലൂക്ക് ആശുപത്രി അതുകൊണ്ട് തന്നെ ചേര്‍ത്തക്ക് പുറത്ത് നിന്നുള്ളവരും ഇവിടെ ചികില്‍സ തേടിയെത്തുന്നുണ്ട്. ......... ശസ്ത്രക്രിയക്ക് വിധേയരായ സ്ത്രീകളാരും പരാതി പറയാന്‍ തയ്യാറല്ല.ശസ്ത്രക്രിയ അനിവാര്യമായതുകൊണ്ട് മാത്രം ഡോക്ടര്‍മാര്‍ ഇത് ചെയ്തു എന്ന് മാത്രമാണ് ഇവരെല്ലാം പറയുന്നത്.എന്നാല്‍ ഇവിടുത്തെ ഡോക്ടര്‍മാര്‍ ശസ്ത്രക്രിയക്ക് വിധേയരാകാന്‍ ഗര്‍ഭിണികളെ നിര്‍ബന്ധിക്കുന്നുവെന്നാണ് പരക്ക...